煮大闸蟹要蒸几耐？_健康

煮大闸蟹要蒸几耐？

11-18

0次

终于嚟到食大闸蟹嘅季节，识拣靚嘅蟹固然重要，然而点煮大闸蟹都系一个技巧。我哋一般都会使用蒸煮方式嚟食，但要蒸几耐？原来要睇大闸蟹重量！随住时代转变，大闸蟹菜式亦多咗变化，新手煮大闸蟹嘅你，记得睇埋落去啦。

网上图片

洗蟹的正确方法
煮蟹前要先清洁蟹嘅表面。因为大闸蟹系一种长期喺水底生活嘅生物，蟹身有机会藏细菌或泥沙。为食用安全起见，大家食蟹前先用牙刷清走泥沙，同埋蟹嘅表面。最好戴上手套，冇咁易被蟹爪整伤。

如果大闸蟹本身有水草捆绑蟹身，唔需要特别解开，就咁清洁表面污物就可以！

网上图片

传统煮大闸蟹方法—清蒸
以蒸煮方式嚟处理大闸蟹，系最传统最正式嘅做法。一般蒸煮大闸蟹都会配埋紫苏叶，作用系驱走寒气。

洗好大闸蟹之后，可以将大闸蟹放喺碟中，蟹肚向上，咁就可以令蟹膏同鲜蟹汁流到蟹壳上，保留原汁原味。而紫苏叶就放喺水中蒸，等紫苏叶透过蒸气上到蟹身。而蒸煮大闸蟹嘅时间亦唔需要太长，以五両至六両蟹为例，蒸煮约16至20分钟就够。如果重身小小嘅蟹，例如七両至九両，就需要煮20至25分钟。

另外，如果想蟹膏滑啲，就可以早一分钟熄火，利用蒸气余温焗一分钟蟹，咁就更加好味啦！

网上图片

新派大闸蟹菜式—大闸蟹炒年糕
食材：
大闸蟹 5只
韩式年糕 400克
面粉 200 克
老抽 3茶匙
酱油 6茶匙
鸡精 3g
料理酒 6茶匙
葱花适量

做法：
1. 韩式年糕预先浸一会，并洗干净
2. 将大闸蟹表面清洗好，再对半切开，之后沾上面粉
3. 预热油锅，将沾有面粉面的大闸蟹朝下放入油锅，锁紧蟹肉蟹膏
4. 煎至金黄色后，可以轻轻翻炒整只
5. 加入料理酒、老抽、生抽及300毫升开水煮，炒至变色
6. 随即加入年糕炒至收汁，视乎个人喜好加入鸡精和葱花调味

上一篇：2天后，9岁男孩小腿“长胖”了一圈，妈妈心急如焚

下一篇：用特比萘芬软膏泡脚，脸看着像20岁，脚像90岁吗？

煮大闸蟹要蒸几耐？

相关内容

热门资讯